РУСКИ КЕРЕСТУР – Упис до штреднїх школох за школярох хтори закончели основну школу, почал вчера 8. юлия у цалей Сербиї, та и у керестурскей Основней и штреднєй школи зоз домом школярох „Петро Кузмяк”.
До оддзелєня керестурскей Ґимназиї на руским наставним язику затераз розпоредзени 9-еро школяре, од хторих 7-еро зоз Керестура, єдна школярка зоз Вербасу и єдна зоз Дюрдьова хтора и перша на лїстини. До сербского оддзелєня Ґимназиї розпоредзени 19-еро школяре, а до оддзелєня напряму туристичного технїчара розпоредзени 20-еро школяре.
Перши круг упису до штреднїх школох будзе тирвац и нєшка, а на стреду 10. юлия будзе други круг упису за тих школярох хтори остали нєрозпоредзени.
За будуцих першокласнїкох штреднєй фаховей школи и двох оддзелєлньох ґимназиї источашнє тирва и упис, односно приявйованє за биванє у школярским доме.
У тим школским 2018/2019. року у ОШ „Петро Кузмяк” закончуюци испити покладали 34-еро школяре осмих класох.