НОВИ САД – У седмим тогорочним чишлє новинох „Руске слово”, рубрика „Тижньовнїк” анализує чи Руснаци хасную сервис подручних канцеларийох Националного совиту, а пише и о вакцинованю дзецох.
На бокох рубрики „Нашо места” зазначене як прешла схадзка Скупштини општини Кула, о акциї добродзечного даваня креви у Коцуре и як було на „Сримскей винияди” у Беркасове. На тих бокох пише и о балох у Вербаше и Руским Керестуре, док „Економия” пошвецена розвою валалского туризма у шидскей општини.
О тим як ше коцурска школа пририхтує за преславу 250-рочнїци образованя и о новим чишлє часопису „Ерато над Коцуром”, та о ювилейней „Ружовей заградки”, пише на бокох рубрики „Култура и просвита”, а „Духовни живот” преноши шветочну атмосферу з промоциї найновшей кнїжки о. др Романа Миза.
Боки рубрики „Людзе, роки, живот” представяю Юлияна Радваня, коцурского метлара, а на спортских бокох „Руского” зазначени пририхтованя спортских клубох з наших местох за ярню часц першенства. На „Спорту” мож пречитац и о проблемох з хторима ше зочує коцурске Здруженє рибарох, а у тим чишлє як додаток вишла „Дом и фамелия”, дзе и нова „Женоблоґия”.