СЕРБИЯ/РЕҐИОН – У одношеню на держави дакедишнєй СФРЮ, гражданє Сербиї доставаю найнїзши плаци, штреднє коло 326 еври. Найвекши плаци маю заняти у Словениї, чий нето заробок коло 1 003 еври, а по штреднєй плаци найблїзша Сербиї то Македония, чийо заняти доставаю коло 358 еври, преноши Танюґ.
После Словенцох, найвекши плаци маю Горвати, коло 742 еври, а плаци им у януаре 2015. року висши як рок пред тим. У Чарней Гори штредня плаца 482 еври, а у Босни и Герцеґовини коло 423 еври. За розлику од Горватскей, у тих державох зазначени нїзши плаци у одношеню на прешли рок.
У Сербиї у януаре 2015. року штреднї заробок без порцийох и доприносох бул за коло 3,5 одсто векши у одношеню на януар 2014. року.