БЕОҐРАД – З нагоди Медзинародного дня худобства, хтори означени 17. октобра, Европска мрежа процив худобства Сербия (ЕМПСС) обявел податок же у нашей жеми 628 000 особи жию у худобстве, та поволала Владу же би зменшанє худобства поставела як приоритет у роботи.
ЕМПСС окончела Анкету о трошеню у ґаздовствох у 2014. року у Сербиї и дошла до податкох же ше 8,9 одсто, односно 628 000 гражданє нє могли костирац по нутриционистичних стандардох у Сербиї, а нє мали досц пенєжи анї за други потреби.
Влада Сербиї вираховала же особи котра жиє сама достаточни 11 340 динари за подмиренє власних потребох, самохраному родительови з дзецком потребни 17 010 динари, а паром з двоїма дзецми потребни 30 618 динари же би нє були худобни.
Анкети ЕМПСС зоз скорейших рокох указали же у одношеню на гражданох у жемох Европскей униї, потим у Швайцарскей, Норвежскей и Исланду, найвекши процент гражданох у Сербиї ма ризик постац худобни.