У сотруднїцтве заводох за културу Вечар горватского филму

автор вев
803 Опатрене

НОВИ САД – Всоботу, 6. юния, у просторийох Заводу за културу войводянских Руснацох отримана Ноц горватского филму. Програма почала на 18 годзин з приказованьом рисованого филму за дзеци „Чудесна шума” з 1986. року, а приказани успишни филми шицких жанрох – анимировани, документарни и бавени з горватскей кинематоґрафиї после Другей шветовей войни, односно од 50. по 70. роки прешого вику.

З тей нагоди подсекретар у Покраїнским секретарияту за образованє, предписаня, управу и национални меншини-заєднїци Мато Ґрозница гварел же го радує тото сотруднїцтво медзи заводами за културу, а директор Заводу за културу войводянских Горватох Томислав Жиґманов визначел же заводи за културу войводянских заєднїцох порихтани за заєднїцки програми.

Директор Заводу за културу войводянских Руснацох мр Серґей Тамаш гварел же тот вечар перша етапа у сотруднїцтве на уровню заводох за културу, бо ушлїдзи  орґанизованє вечарох руского краткометражного филму, словацкого и мадярского филму. Надпомнул же сотруднїцтво заводох почало концом прешлого рока зоз серию крачунских концертох, а наявел и же ше чека согласносц Покраїнскей влади за заєднїцку мултиетнїчну театралну представу, у хторей би глумци були з каждей националней заєднїци.

Орґанизаторе соботового вечару були Уметнїцка орґанизация Ноц горватского филму и нових медийох, Завод за културу войводянских Руснацох и Завод за културу войводянских Горватох.

 

ПОВЯЗАНИ ТЕКСТИ