СРИМСКА МИТРОВИЦА – На Поетским вечаре „Русия нам у шерцу” у Сримскей Митровици, 18. януара, медзи другима участвовали и представителє Рускей Матки зоз Руского Керестура, Кули и Шиду. Поетски вечар отримани у рамикох манифестациї „Днї русийскей култури” хтора ше отримує од 15. по 25. януар у орґанизациї Историйного архиву „Срим”.
На друженю з поетами наступели домашнї и авторе зоз Сримскей Каменїци, а предсидатель Рускей матки Дюра Папуґа представел єй активистох поетох Славка Папа з Керестура, Бору Латиновича и Ґавру Веселиновича активистох Матици сербскей и Рускей матки зоз Кули, як и поетеси – Саню Тиркайло зоз Шиду и Петру Бошняк зоз Моровичу.
Програма отримана у приємним амбиєнту Барокней сали Музею Сриму, була крашнє нащивена, а уметнїцкому упечатку допринєсла и пригодна музична програма.
