У Технїчней школи ,,Никола Тесла” єст шлєбодни места

автор влдї
783 Опатрене

ШИД – После обидвох уписних кругох у Штреднєй технїчней школи ,,Никола Тесла” у Шидзе єст шлєбодни места, та у Школи обчекую же на самим початку школского рока ище будзе уписане одредзене число школярох.

У тей школи 12 места ище єст за будуцих тарґовцох, понеже уписани 18 школяре, як и шейсц места за будуцих шлосерох, понеже уписани 9, а оддзелєнє ма право мац 15.

Дзевец шлєбодни места єст и за напярм Машински технїчар за компютерске конструованє, бо з 30 уписани 21 школяр.

Зоз по 30 уписанима пополнєти напрями Електро-технїчар и Польопривредни технїчар, як и шицки 15 места за авто-механїчарох.

По словох директора Технїчней школи „Никола Тесла” Йови Дрезґи, скорейши роки указали же ше на самим початку школского рока упишу ище од 10 до 15 школяре до напрамох тей школи.

ПОВЯЗАНИ ТЕКСТИ