У центре Дюрдьова контейнери за рециклажни материял

автор бас
795 Опатрене

ДЮРДЬОВ – Концом прешлого тижня у центре Дюрдьова поставени три нови контейнери – два за ПЕТ-амбалаужу и єден за папер, а задлужена за нїх Месна заєднїца.

Контейнери достати од Ромского привредного центеру Войводини, отвореним пред мешацом у Жаблю, хтори ше занїма зоз зазберованє секундарних сировинох и рециклованьом пластики.

– Контейнери буду на хасен шицким гражданом валалу, а до нїх  треба одкладац одвитуюци секундарни сировини, хтори вец будзе прерабяц Ромски привредни центер –  гварела предсидателька Совиту МЗ Дюрдьов Леона Виславски.

Проєкт Ромски привредни центер финансовала Фондация за отворене дружтво зоз Швайцарскей, а реализовала го општина Жабель, у сотруднїцтве з покраїнску Канцеларию за инклузию Ромох.

ПОВЯЗАНИ ТЕКСТИ