ЧАКОВЦИ/ГОРВАТСКА – У Основней школи „Чаковци” у Чаковцох у Републики Горватскей зоз святочну програму означени Дзень школи.
Присутних привитала директорка проф. доктор Анамария Зулич, а потим школяре виведли пригодну програму на хторей Школски хор одшпивал даскельо шпиванки. Дзеци котри факултативно виучую мадярски язик з тей нагоди одшпивали даскельо писнї, а школяре нїзших класох з каждей подручней школи викладали на рижни теми о природних богатствох свойого краю. Подручна школа Миклошевци презентовала лїковити рошлїни зоз свойого околїска.
Преглашени и найудатнєйши литературни состави зоз школского конкурсу на тему „Маляр свойого завичаю”, на хторим треце место освоєла Анамария Мудри, школярка пиятей класи зоз Миклошевцох.
За школярку ґенерациї преглашена тиж Миклошевчанка, Милица Мишлєнович, школярка осмей класи.
После програми отримани змаганя у малим фодбалє за хлапцох висших класох, а дзивчата бавели одбойку.