ШИД – По словох заменїка директора Основней школи „Бранко Радичевич” у Шидзе мр Вери Дупало, за виборну наставу руского язика ше вияшнєли 16 родичи школярох од 1. по 4. класу, як и 16 родичи школярох од 5. по 8. класу. У тей истей школи за виронауку, як виборни предмет, вияшнєли ше 5 родичи.
У Подручней школи у Бачинцох за виборне виучованє руского язика опредзелєли ше 7 родичи дзецох од 1. по 4. класу.
У догварки з парохом шидским и деканом сримским о. Михайлом Режаком и наставнїцу Златку Сивч Здравич, виборна настава и годзини виронауки буду у просторийох шидскей парохиї, а могли би почац уж идуцого тижня.
У Основней школи „Сримски фронт” у Шидзе, вєдно з подручнима школами у Беркасове и Бикичу, догварки о початку настави по руски у цеку.