У Школи означени Шветови дзень поживи

автор маф фото тка
1k Опатрене

РУСКИ КЕРЕСТУР – Шветови дзень поживи, 16. октобер, у Основней и штеднєй школи з домом школярох „Петро Кузмяк” означени, пияток, 14. октобра, а означованє пририхтала Биолоґийна секция штреднєй школи, хтору водзи професорка Тереза Катона.

По єй словох, у тей своєй першей активносци акцент дати на здраву поживу, так же у школским голу пририхтали презентацию здравей поживи, найвецей овоци и желєняви, природних сокох хтори сами правели и меду.

Були пририхтани и два файти здравей ужини, з рецептами хтори школяре и основней и штреднєй школи могли вжац, а тиж шицко могло и коштовац на виложеним штанду.

Означованє Дня поживи було провадзене и з пригодну виставу фотоґрафийох з тему поживи, чийо авторки школярки Мария Белькаш зоз IV-2 и Кристина Афич з II-1 оддзелєня Ґимназиї, а за добру атмосферу з музичним наступом ше постарала ґрупа школярох зоз II-1 оддзелєня.

Шветови дзень поживи означели и школяре нїзших класох ОШ, котри тиж до школи принєсли рижну поживу и желєняву и бешедовали о єй значносци.

ПОВЯЗАНИ ТЕКСТИ