РУСКИ КЕРЕСТУР – Нєшкайши Европски дзень язикох у керестурскей Основней и Штреднєй школи „Петро Кузмяк” означели вчера, а з пригоднима змистами будзе означени и на пондзелок.
О тим дню бешедоване на годзинох язикох хтори ше виучує у Школи, а попри руского и сербского то русийски, английски, нємецки, италиянски, у Ґимназиї и латински язик. Попри на спомнутих, о Европским дню язикох бешедоване и на годзинох оддзелєнского старшини.
Школяре пририхтали и окремни презентациї народних присловкох, загадкох и других висловох паралелно на вецей спомнутих язикох, а вони на пондзелок буду виложени на паноу у учальньох и у школским голу.
Школяре Туристичного напряму з тей нагоди обєдинєли означованє Европского дня язикох и Шветового дня туризму (27. септембер), дзе з английского язика, у корелациї зоаґенцийским и готелиєрским дїлованьом, пририхтали презентациї рижних манифестацийох хтори ше отримує у кулскей општини.