У школи „Петро Кузмяк” представена найновша МАК-ова двокнїжка

автор маф
991 Опатрене

РУСКИ КЕРЕСТУР – Промоция двокнїжки поезиї Цецилиї Надь з Керестура „Чаривни нїтки” и Михаила Рамача з Дюрдьова „З молу до дуру” отримана вчера, 14. мая, у школи „Петро Кузмяк” у Руским Керестуре.

Авторе представели ґимназиялцом свою поезию, бешедовали им од кеди пишу, та и цо им инспирация за писанє, а Михаил и одграл на ґитари и одшпивал свойо два шпиванки, хтори викомпоновал праве на тоти тексти обявени у кнїжки.

6 - promocija 02

О двокнїжки бешедовала и Мая Зазуляк, редакторка часопису МАК, зоз чиїм остатнїм числом вона и обявена, як 18. кнїжка у МАК-овей едициї.

Шлїдуюца промоция двокнїжки „Чаривни нїтки”/„З молу до дуру” будзе отримана на стреду, 20. мая, у просторийох КУД „Тарас Шевченко” у Дюрдьове, на 19 годзин.

ПОВЯЗАНИ ТЕКСТИ