РУСКИ КЕРЕСТУР – У єшеньскей Акциї добродзечного даваня креви у Штреднєй школи „Петро Кузмяк”, хтора отримана вчера, 10 особи дали крев, векшином школяре – полнолїтни матуранти, єдна професорка и двоме майстрове. за даванє креви були приявени дванац особи.
Пред тим, тоту Акцию Школа пририхтала з мотивацийну роботню о Добродзечним даваню креви, хтору реализовали волонтере Червеного крижу Кула, а отримана є прешлого тижня у рамикох Дзецинского тижня.
Акцию добродзечного даваня креви у керестурскей Школи ше уж традицийно орґанизує два раз до рока, у сотруднїцтве зоз Службу за трансфузию Общого шпиталю Вербас, а крев найвецей даваю школяре-матуранти.
