НОВИ САД – Ютрейши ТВ Маґазину будзе емитовани прилог о ламачки кукурици по наших хотарох, о округлим столє на тему „Интерни етични кодекс медийох хторим снователє национални совити националних меншинох”, а будзе представена и мишана ґрупа у дзецинскей заградки „Герлїчка” у Коцуре.
У Заводзе за културу войводянских Руснацох у Новим Садзе отримана литературно-визуална вистава Емилиї Чизмар „Твитература з мура”, та у ютрейшей емисиї пририхтани и прилог о тим.
Буду приказани и даскельо епизоди проєкта Фейсис „Як сом прежил малтретованє”.
Реприза ТВ Маґазину будзе такой на пондзелок вноци на 2 г. и на штварток на 21,30 г. (по емисиї „Добри вечар, Войводино”).