ШИД – У Ґимназиї „Сава Шуманович” у Шидзе вчера з пригодну програму означени Медзинародни дзень мацеринского язика, хтори ше у тей образовней установи означує осми рок.
З кратким представяньом основних поняцох представени сербски, горватски, нємецки, русийски, словацки, анґлийски и руски язик.
Наглашене же наш руски язик єден з восточнославянских язикох, кодификовани 1923. року и же є нєшка службени у АП Войводини и дзепоєдних войводянских општинох, медзи нїма и у општини Шид.
Школярка другого два оддзелєня Зорана Зец пречитала писню „Чекай ме” професора руского язика Зденка Лазора, котри вєдно з просвитнима роботнїками и школярами пририхтал програму у Ґиманзиї.
На концу на видео-биме приказани виривок з програми хтора з истей нагоди отримана 2010. року, на хторей школяре теди одшпивали венчик шпиванкох на вецей язикох, медзи нїма и руску „Чия то заградка”.