НОВИ САД – Филозофски факултет Универзитета у Новим Садзе пририхтує Дзень отворених дзверох за будуцих студентох наютре, 2. новембра, од 10 до 13 годзин. Того дня годно нащивиц и Оддзелєнє за русинистику.
На Дзень отворених дзверох поволани шицки штредньошколци котри жадаю уписац даєден зоз 50 акредитованих студийских програмох на Филозофским факултету, односно и на Оддзелєню за русинистику, хторе за тоту нагоду пририхтало и видео поволанку. Того дня годно дознац и як ше треба пририхтац за приємни испит, дзе студенти змесцени, цо по законченим факултету, чи єст черанка студентох и други питаня котри можу интересовац будуцих студентох.