КОЦУР – У Подручней лиґи Суботица „Искра“ зоз Коцура внєдзелю, 30. септембра, у рамикох 7. кола на домашнїм терену нєсподзивано победзела першопласовану екипу на таблїчки ФК „Србобран“ зоз истоменого места зоз 4:2.
Искра на тим змаганю одбавела два розлични полчаси – у першим у подполносци надбавела процивнїка, та у 15. минути уж було 4:0 за Искру, а у другим госци були вельо лєпши, алє на Искрово щесце, удало им ше лєм зменшац резултат на 4:2.
Ґоли за Искру на тим змаганю дали Комазец 2, Ґубаш и Сердар.
После седем одбавених колох Искра освоєла дзевец боди и забера 11. место на таблїчки.
У шлїдуюцим колу Искра у Змаєве процив Обиличу будзе бавиц општински дерби.
