КОЦУР – ФК „Искра“ зоз Коцура внєдзелю, 27. октобра, у рамикох 11. кола Подручней лиґи Суботица, на домашнїм терену победзела екипу ФК „Злога“ зоз Остоїчева зоз резултатом 6:1.
Искра после трох пораженьох за шором, зазначела побиду и зоз добрим бависком наявела виход зоз кризи.
По два ґоли за Искру на тим змаганю дали Душан Ваяґич, обидва зоз пеналу, потим Боґдан Сталевич и млада надїя коцурского фодбалу, Давид Дакич.
У шлїдуюцим колу ФК „Искра“ будзе госцовац у Панониї, дзе ю дочека екипа „Панония ИМ Тополя“.