ЗОМБОР – Фото-кино клуб „Рада Крстич“ зоз Зомбора розписал Конкурс за Другу виставу фотоґрафийох жительох Заходнобачкого округу, з шлєбодну тему.
Єден автор може послац найвецей штири чарно-били, лєбо фотоґрафиї у фарби. Фотоґрафиї мож послац найпознєйше по 6. новембер, на е-адресу izlozbaZBO@gmail.com
Найлєпши авторе достаню першу, другу и трецу награду за поєдинєчну фотоґрафию, як и за колекциї фотоґрафийох.
Резултати конкурсу буду обявени 16. новембра на сайту ФКВК „Рада Крстич“ Зомбор www.fotoklubsombor.org, а вистава и урядова проєкция вибраних роботох будзе 8. децембра у Городским музею у Зомборе.
Вецей информациї и прияви мож достац на сайту www.fotoklubsombor.org