СРИМСКА МИТРОВИЦА – Туристична орґанизация Сримскей Митровици, под покровительством Городскей управи, розписала фото-конкурс за креированє нового идентитету городу.
Можу участвовац шицки заинтересовани, а теми природни богатства, спортски туризем, културни туризем, вирски туризем, туризем з тему ґастрономиї и манифестацийни туризем. Найлепши фотоґрафиї буду похасновани за нову туристичну брошуру о Сримскей Митровици.
Конкурс отворени по 31. децембер того року, авторе можу конкуровац найвецей з пейц фотоґрафиями з каждей катеґориї, а роботи посилац на е-адресу turistorgsm@yahoo.com.
Конкурс мож видзиц и на сайту митровица.инфо.