НОВИ САД – У Синаґоґи у Новим Садзе на ютре, 11. децембра, цаловечарши концерт отрима єден з найпознатших хорох у Мадярскей – Хлопски хор Святи Єфрем з Будапешту, хтори на репертоаре ма и композициї грекокатолїцкей литурґиї закарпатскей реґиї.
Концерт Хору з Будапешту на ютре у Синаґоґи будзе на 20 годзин, а у орґанизациї Музичней младежи Нового Саду.
Хлопски хор Святи Єфрем з Будапешту основани пред 14 роками, а попри у Мадярскей, наступал и у 17 жемох на штирох континентох и обявел 10 музични албуми. Пестує два музични напрями – византийну духовну музику и традицийни композициї мадярскей музики за хлопски хори композиторох як цо Лист, Барток, Кодалї и Лиґети.