Хор „Розанов” шпивал гимну у Народней скупштини

автор сас
900 Опатрене

БЕОҐРАД – З гимну Сербиї „Боже правде”, Хор „Розанов” з Дюрдьова, под дириґентством Татияни Барна, вчера отворел єшеньске зашеданє Народней скупштини Републики Сербиї.

Дзекуюци народней посланїци Олени Папуґа, дюрдьовски Хор треци з наших местох хтори з балкону державного парламенту шпивал гимну на отвераньох скупштинских зашеданьох и на єдней конститутивней схадзки нового зволаня Народней скупштини.

После того шветочного чину члени Хору обишли шветочни просториї у Скупштини и єй библиотеку, а на одходу з Беоґраду нащивели Храм Святого Сави, у хторим самоинициятивно одшпивали три шпиванки, за цо од присутних нащивительох и роботнїкох котри робя у церкви достали аплаузи.

Одход Хору „Розанов” до Скупштини Сербиї финансовала Општина Жабель, так же з нїм у Беоґрадзе були и предсидатель Скупштини општини Жабель Радован Чолич и членїца Општинскей ради задлужена за културу Нерима Шовлянски.

ПОВЯЗАНИ ТЕКСТИ