РУСКИ КЕРЕСТУР – У рамикох виглєдованя меншинских и вецейязичних медийох у Сербиї, у Руским Керестуре вчера були интервюисти з Центру за розвой цивилного дружтва (ЦРЦД), дзе анкетовали занятих у Националним совиту Руснацох, Основней и штреднєй школи з домом школярох „Петро Кузмяк” и Дописовательстве „Руского слова”. Пред тим нащивели и Информативно-пропаґандни центер Кула.
ЦРЦД анализує капацитети медийох и продукцийних хижох хтори продукую информативни змисти на язикох националних меншинох у условийох применьованя новей законскей реґулативи, а конєчни циль им злєпшанє информованя на меншинских язикох.
Виглєдованє будзе основа за препоруки хтори буду друковани и початком 2017. року представени явносци и державним орґаном хтори правя нову Медийну стратеґию Републики Сербиї.