ШИД – На рочней Виберанковей скупштини Општинского одбору Лиґи социялдемократох Войводини (ОО ЛСВ) Шид єдногласно прилапени Звит о роботи за прешли рок и вибрани руководзаци одбору.
Предраґ Бекерек, потерашнї предсидатель ОО Шид ЛСВ, ознова вибрани на тоту функцию, а за подпредсидательох вибрани Ратко Торма, Ґоран Деянович и Наташа Шимек.
На Скупштину, на хторей означени 25 роки ЛСВ и 15 роки ОО ЛСВ Шид, пришол предсидатель странки Ненад Чанак и його заменїк Боян Костреш.
Чанак поволал членох же би ше пририхтали за наиходзаци покраїнски и локални виберанки и анґажовали ше на ришованю животних проблемох гражданох.