НОВИ САД – З нагоди 9. новембра – Дня ошлєбодзеня Нового Саду у Першей шветовей войни – чолнїки Городу Нови Сад и представителє потомкох воякох у Порти Успенскей церкви положели венци на Спомин-криж борцом од 1912. по 1918. рок.
– На дзень кед 1918. року перша єдинка Седмого пешацкого пуку Войска Кральовини Сербиї, на чолє з майором Воїславом Буґарским вошла до Нового Саду, ми традицийно даваме чесц шицким котри ше борели за наш город. Важне же бизме достоїнствено означовали таки датуми и шицким борцом указали подзекованє и почитованє – гварел з тей нагоди член Городскей ради задлужени за културу Ваня Вученович.
На тей подїї були и представителє Войска Републики Сербиї, та Сербскей православней церкви.