КОЦУР – У рамикох Дзецинского тижня, Основна школа „Братство єдинство” у Коцуре ма заплановани вецей активносци вязани за тогорочну тему дзецинского тижня – „Бриґи нє водзиме, бавиц ше любиме!”
Наймладши школяре Дзецински тидзень нєшка започню з нащиву Ґеронтолоґийному центру, буду рисовац по асфалту, а нєшка у Доме култури будзе одбавена и представа „Папазяния” Културного центру Вербас.
На ютре буду креативни роботнї, на стреду „Бависка без гранїцох”, а на штварток змаганя у старих бавискох, еко-маскенбал и писанє писмох приятельства.
Старши школяре у Тижню буду мац вецей спортски змаганя, а манифестацию законча зоз журку у физкултурней сали.