ВЕРБАС – У орґанизациї Здруженя гражданох болгарскей националей меншини „Балкан” з Нишу, пияток, 27. новембра, у Нишу отримани шести Фестивал „Днї жридловей музики”, на хторим участвовали и Ждридлова шпивацка ґрупа и оркестер КПД Карпати” з Вербасу, под руководительством Михайла Тамаша и Миколу Чижмара.
Фестивал прероснул до традицийного сходу националних заєднїцох на хторим представяю свою богату народну творчосц, односно жридлову музику, а його отримованє потримує Министерство култури Републики Сербиї.
Представителє Руснацох на Фестивалє у Нишу участвовали вєдно зоз шпивацкима и музичнима ґрупами болгарскей, македонскей, ромскей и ческей националней меншини, а наступели и други жридлово ґрупи з Нишу, Димитровґраду и тей часци южней Сербиї.