БЕОҐРАД – Вчера у рамикох Министерства просвити почал робиц центер за припознаванє дипломох хтори здобути у иножемстве ENIK/NARIK. З отвераньом того центру процес припознаваня дипломох будзе тирвац до 90 днї, а будзе коштац 3 500 динари.
Дотераз нострификованє дипломи тирвало найменєй шейсц мешци, а дакеди и до три роки. Як гваря нашо студенти, процедура коштала понад 1 200 еври.
Министер просвити Срдян Вербич гварел же од тераз нашо млади людзе з иножемства годни конкуровац за доставанє роботи у Сербиї и буду мац исти можлївосци як и їх колеґове котри ту закончели школованє.
Процес припознаваня дипломох здобутих у иножемстве окончовали високошколски установи, а тераз нострификованє дипломох буду окончовац лєм за студентох котри предлужую студиранє у Сербиї.