ВЕРБАС – На швето чийо мено ноши, шестри служебнїци у манастире Зачаца Пречистей Дїви Мариї у Новим Вербаше вчера преславели Кирбай.
Службу предводзел кулски парох о. Виталий Лотоцки, а сослужовал старовербаски парох о. Алексий Гудак. Вирних под час Служби споведал о. Иґор Вовк, а манастир з нагоди швета нащивел и о. Платон Салак з Кули.
У молитви шестрох служебнїцох участвовали велї парохиянє, а после литурґиї у просторийох Манастиру орґанизовани шветочни полудзенок.