Шесцеро рецитаторе по руски на Зонску смотру

автор бас
1.2k Опатрене

ЖАБЕЛЬ – З вчера отриманей Општинскей смотри рецитаторох жабельскей општини на Зонску смотру ше пласовали Ксения Вереш, Кристина Дюранїн и Иван Молнар у младшим, та Милица Мигальовски, Валентина Михняк и Валентина Салаґ у штреднїм  возросту. Молнар на Општинскей смотри наступел як представитель КУД „Тарас Шевченко”, а други спомнути спред ОШ „Йован Йованович Змай”.

Рецитаторох у ОШ пририхтали наставнїца руского язика Мария Самарджич и учителька Єлена Салаґ, а у КУД „Тарас Шевченко” руководитель Рецитаторскей секциї Яким Гарди.

На Општинскей смотри участвовали трицецеро рецитаторе у трох возростох, а з писнями по руски ше змагали єденацецеро школяре, шицки з Дюрдьова.

Селектора Смотри бул ґлумец Сербского народного театру з Нового Саду Миодраґ Петрович, а орґанизатор Народна библиотека „Велько Петрович” зоз Жаблю.

ПОВЯЗАНИ ТЕКСТИ