СЕРБИЯ – После спекулацийох же ше у лїкох за дзеци находза чкодлїви субстанци, оглашела ше руководителька Центра за гумани лїки у Аґенциї за лїки и медицински средства Ядранка Миркович и гварела же шицки лїки за дзеци зоз апатикох безпечни.
Вона наглашела ше состав каждого лїка, та и гевтих за дзеци, надпатраю фармацеути, а за розлику од єдзеня, у хторих ше находза адитиви, у лїкох єст субстанци хтори помагаю же би вон остал безпечни за хаснованє.
Мирковичова твердзи же емулґатори у лїкох нє опасни, прето же ше вше применюю у одвитуюцим количестве. Вона совитовала же би ше пречитало упутство, уписало датум кеди фляшка отворена и провадзело справованє дзецох.