ОО СУБНОР Шид и Народна библиотека „Симеон Пищевич” у Шидзе видали, як ю наволали, брошуру у хторей ше находза шицки памятнїки, спомин плочи, бисти и други ознаки погинутим борцом и цивилним жертвом у Другей шветовей войни на подручу шидскей општини. Тото виданє порихтали др Желько Файфрич и професор Душан Лукич.
Як наглашує професор Лукич, ище давного 1988. року просвитни роботнїк и залюбеник до фотоґрафиї и член ОО СУБНОР Дьордє Карафилович порихтал єден фото албум зоз шицкима тедишнїма памятнїками и спомин ознаками погинутим у Другей шветовей войни. Тот албул ше находзи у просторийох борецкей орґанизациї, а после того часу подзвигнути ище даскельо други памятнїки.
Прето ше пришло на идею висликовац и тоти памятнїки и додац уж порихтанима фотоґрафиями хтори зробел Карафилович и предложене Предсидательству ОО СУБНОР же би ше видало нову брошуру цо дзечнє прилапене и поробене, а брошура друкована у 1 000 прикладнїки.