КОЦУР – У Oсновней школи „Братство-єдинство” у Коцуре вчера отворени нови кабинет за технїчне образованє и з тим ришени проблем хтори тирвал даскельо роки, од кеди заварти кабинет у улїци Иву Лоли Рибара, дзе роками отримовани годзини технїчного.
Понеже спомнути кабинет нє бул у просторийох школи, а школяре под час настави нє шму виходзиц зоз школского двору, наставу технїчного дотераз мали у даєдней шлєбодней учальнї.
Нови кабинет за технїчне образованє будзе хасновани и за виборни предмети, бо ше случовало же за тоту наставу нє було шлєбодни учальнї, та є отримована у школским голу.