РУСКИ КЕРЕСТУР – Макету Водици, хтору започал правиц покойни майстор Мирон Костелник, його син Дюра нєдавно на тирваце чуванє подаровал керестурскей Школи „Петро Кузмяк”, у чиїм голу уж стої и макета найстаршей валалскей хижи, тиж од истого автора.
Дзеведзешатрочни Мирон Костелник пре хороту нє закончел започате дїло, та го докончел Елемир Колошняї, подлогу виробел майстор Славо Бучко, а до макети уведзене и ошвиценє. Тиж є и зарамена до скла и змесцена на централне месо у школским голу.
Дарунок прияла директорка Школи Хелена Пашо Павлович и з вельким задовольством визначела же тоти, як и други можлїви будуцу макети, Школа будзе чувац на почесним месце бо, як гварела, з историї познате же наша цеква и школа найбаржей зачували руски идентитет на тих просторох.