КОЦУР – Всоботу, 5. марца, школяре Музичней школи „Музични куцик” з Нового Саду у Велькей сали Месней заєднїци у Коцуре отримали Осмомарцовски концерт. На концерту участвовали 27-еро школяре з Коцура, Дюрдьова, Жаблю, Сириґу и Кисачу.
Школяре пририхтуюцей, першей, другей, штвартей и пиятей класи Музичней школи на клавиру, гушлї и гармоники одграли вецей класични композициї, а пририхтали их наставнїки Каталина Зубич, Невена Шимшич, Дьордє Недельков, Дуня Палич, Наталия Ґоловачук Марушич и Анита Елмази.
Програму провадзели числени родичи и родзина, а на концу школяре мацером подаровали пригодни дарунок, як памятку на тот вечар.