Школяре нащивели „Белаву птицуˮ

автор м. афич
789 Опатрене

КУЛА – Школяре рускокерестурскей Штреднєй школи „Петро Кузмякˮ 21. новембра у рамикох гуманитарней акциї нащивели Здруженє МНРО „ Белава птицаˮ зоз Кули.

У нащиви були школяре ґимназиї III-2 оддзелєня з оддзелєнским старшином Татяну Колесар и школяре зоз дому школярох зоз педаґоґиню Любицу Няради. Вони однєсли дарунки за ансамбл „ Белавей птициˮ, понеже були публика на представи и краткей музичней програми хтору пририхтали члени того Здруженя. Медзи ґлумцами бул и Мирослав Виславски зоз Руского Керестура.

Керестурска Школа и Здруженє „Белава птицаˮ уж вецей роки барз активно сотрудзую и медзисобно ше нащивюю у рижних нагодох.

ПОВЯЗАНИ ТЕКСТИ