КОЦУР – У рамикох Дзецинского тижня, як и Октобра – Мешаца старших, школяре Основней школи „Братство єдинство” вчера нащивели бивательох у коцурским Домским оддзелєню Ґеронтолоґийного центру Вербас, и за тоту нагоду им пририхтали кратку програму.
У нащиви були школяре од першей по штварту класу з учительками Славицу Чельовски, Марию Полдруги и Валерию Папуґа. Дзеци побешедовали зоз старима, а потим им и рецитовали, шпивали и танцовали.
З нащиву школярох, хтора уж постала традицийна, у коцурским Оддзелєню Ґеронтолоґийного центру означени и Дзень старших особох – 1. октобер.