РУСКИ КЕРЕСТУР – Школяром ОШ „Петро Кузмяк” з Руского Керестура котри наградзени на Конкурсу за литературни и подобово роботи нашого часопису за дзеци „Заградка”, одвичательна редакторка часопису Мелания Римар вчера у керестурскей Школи шветочно придала награди.
Поєдинєчни награди достали Дорияна Пап и Ана Мария Малацко, школярки штвартей, и Ивана Фейди з пиятей класи. Як найвреднєйши сотруднїки Заградки наградзени и обидва оддзелєня штвартей класи ОШ, з учительками Веруну Медєши и Ксению Бодянец.
Їм награда була знїманє за ТВ-емисию по руски „Дзецински швет”, так же з тей нагоди знята и кратка програма хтору школяре пририхтали зоз своїма учительками.
