РУСКИ КЕРЕСТУР – Вчера у Водици отримани традицийни Школярски дзень за школярох, студентох и їх родичо, котри на таки способ подзековали за успишно закончени школски рок. Службу Божу на пол дванастей служели керестурски парох о. Михайло Малацко з о. Владимиром Мудрийом з Канади, родом з Коцура, а споведал коцурски парох о. Владислав Рац.
Парох Малацко привитал о. Мудрия, котри наказовал о значеню вири. Служба закончена з многолїтствийом за о. Мудрия, з нагоди його 70 рокох живота.
У Водици було коло 250 вирних, дзецох и родичох, а з Коцура орґанизовано на автобусу пришли школяре з вироучительками ш. Михаїлу Воротняк и Ксению Шанта, а були и їх родичи. Волонтере керестурского Каритасу за шицких пририхтали закуску и рекреативни бависка.
З тей нагоди парох Малацко поволал школярох од 6. класи и старших же би пришли на Духовни вежби – на Водицов камп, хтори у Водици од будзе 31. юлия по 2. авґуст.
