ВЕРБАС – Линия за преробок водох у Централним построєню за преробок одрутних водох (ЦППОВ) за општини Вербас и Кула у закончуюцей фази и пошвидко буду окончени и ткв. „мокри проби” – пише портал Општини Вербас. Тот єден з найпомплекснєйших проєктох у Сербиї финансує Европска уния.
Як под час нащиви Посторєню стреду, 13. юлия, гварел инженєр за надпатрунок Дьордє Кулянчич, тераз ше випитує фунционалносц цалого построєня, а после „мокрих пробох” линия води будзе пририхтана за хаснованє. Накадзи до построєня буду пущени и одрутни води, ЦППОВ почне робиц.
Як поведзене з тей нагоди, найвекши проблем у спомнутих двох локалних самоуправох же нєт канализациї у шицких местох. Закончена є лєм у Вербаше, у Кули и Червинки ше предлужує уводзенє канализациї, а за будованє канализациї по местох лєм у вербаскей општини потребни ище коло 6 милиони еври.