ВЕРБАС – Шицки три репрезентативни синдикати занятих у Доме здравя „Велько Влахович” у Вербаше вчера отримали єдногодзинови штрайк спозореня, и на тот способ ше приключели занятим у здравстве у цалей держави, котри нєзадовольни пре нєдостати ґаранциї же їх вимоги буду уключени до Закону о системи плацох занятих у явним секторе.
Под час штрайку почитовани минимум процесу роботи, та пациєнти котри були нагли случаї нє церпели пре штрайк. Служба наглей помоци и Педиятрийна служба вчера поряднє робели.
Заняти у Общим шпиталю Вербас нє участвовали штрайку спозореня прето же, як поведзене, у тей здравственей установи уж постої дефицит занятих. Заняти у Шпиталю потримую инициятиву за витворйованє вимогох и кед будзе орґанизовани штрайк векших розмирох – приключа ше.