НОВИ САД – Ютрейши ТВ Маґазин по руски будзе тирвац 30 минути, пре уступанє термину словацкей редакциї за директни пренос, а у Маґазину, медзи иншим, буду емитовани прилоги о новей хижи за Чизмарову фамелию у Коцуре, як и о обнавяню просторийох Лєтнєй владическей резиденциї у Шидзе.
У часци пошвеценей польопривреди будзе слова о „универзитетским вину”, на чиїм виробку робел и наш визначни енолоґ Владимир Ковач.
Реприза ТВ Маґазину будзе такой на пондзелок вноци на 2 г. и на штварток на 21,30 г. (после емисиї „Добри вечар, Войводино”).