РУСКИ КЕРЕСТУР – У просторийох Дому култури Руски Керестур на ютре, 11. марца, будзе отримана заєднїцка схадзка Одбору за културу Националного совиту Руснацох (НС) и Управного одбору (УО) Заводу за културу войводянских Руснацох (ВР).
Схадзка будзе на 18 годзин, а на дньовим шоре спатранє стану и потребней потримовки хором и хорскому шпиваню, помоц и злєпшанє стану танєчних ансамблох, реализация Лєтнєй школи руского язика на Подкарпатю, будованє Етно-хижи у Бикичу, та преберанє крочайох за витворйованє Националней стратеґиї Руснацох у обласци култури.
Пред заєднїцку, на 17 г., тиж у Доме култури, будзе отримана окремна схадзка УО Заводу за културу ВР, на хторей єдни з главних точкох розпатранє и прилапйованє Звиту о роботи и Финансийного звиту Заводу за прешли рок.