РУСКИ КЕРЕСТУР – Здруженє паприґарох Руского Керестура на ютре, 16. децембра, орґанизує ище єдно преподаванє за шицких заинтересованих паприґарох у рамикох своєй Жимскей школи, а на терашнїм буду анализовани резултати продукциї паприґи на оглядним полю у Керестуре подприємства „Тимок Аґрар Балкан” з Нового Саду.
На преподаваню и представителє подприємствох „Аґроарм” зоз Земуну и „Белхин” з Беоґраду, хтори тиж участвовали у спомнутим оглядним полю, буду бешедовац о гришкох у тогорочней продукциї паприґи, а обчекує ше же керестурским паприґаром будзе понукнуте же би знова засновали їх оглядни поля под паприґу.
Ютрейше преподаванє будзе на 16 годзин у Ресторанє „Червена ружа”.
Здруженє тиж информує шицких заинтересованих продуковательох паприґи же по 25. децембер по вигоднєйших ценох можу обезпечиц нашенє паприґи „слоново ухо” и „биле ухо” подприємства „Супериор” з Велькей Плани. Найменєй мож заручиц пакованє од 10 деки, а шицки заинтересовнаи най ше явя Душици Орос.