Ютре и поютре вецей сходи о националних совитох и меншинох

автор зам/сен
978 Опатрене

БЕОҐРАД/НОВИ САД – У Беоґрадзе на ютре, 16. априла, будзе округли стол з тему „Улога националних совитох националних меншинох у витворйованю права на службене хаснованє язика и писма националних меншинох”, хтори орґанизує Беоґрадски центер за людски права и Урбан Ин. Округли стол будзе у Хижи людских правох (Княза Милоша 4) на 12 годзин.

У Новим Садзе на ютре и поютре, 16. и 17. априла будзе дводньова конференция з назву „Язики диґиталней будучносци (меншински язики у новим медийним окруженю)“, на хторей ше будзе бешедовац о продукованю и дистрибуциї змистох на язикох националних меншинох и анализовац дотерашню праксу. Конференция обидва днї будзе у Студию М, (Иґнята Павласа 3) на 10 годзин.

На пияток, 17. априла, Одбор за людски и меншински права и ровноправносц полох Народней скупштини Републики Сербиї орґанизує явне слуханє з тему „Робота и функционованє националних совитох националних меншинох”. Явне слуханє будзе у Малей сали Народней скупштини (Краля Милана 14) на 11 годзин.

На шицких спомнутих збуваньох буду присуствовац и члени Националного совиту Руснацох, односно його целох и одборох.

 

ПОВЯЗАНИ ТЕКСТИ