НОВИ САД – На ютре и на соботу, 25. и 26. новембра, на Новосадским сайме будзе перши Саям за пензионерох, з мотом „За безбрижну старосц”. На Сайме свою роботу представя здруженя гражданох и давателє услугох и продуктох хтори наменєни старшим особом.
Нащивительом у нєпоштредних контактох здруженя гражданох, поєдинци и фирми представя свою роботу хтора доприноши квалитетнєйшому животу старих. Представя ше фармацеутски хижи, банки, осиґуруюци дружтва, приватни клїнїки, туристични орґанизациї, поживова индустрия, оптичарски хижи, продукователє спортскей опреми и други.
Предвидзени и роботнї за нащивительох – подобово, спортски, здравствени, ручней роботи, годно превериц здравствени стан, а на бини будзе орґанизована културно-уметнїцка програма.
Уход на Саям безплатни, ютре будзе тирвац од 12 до 19, а на соботу од 10 до 12 годзин.