КУЛА – Компания „МК Финтел Винд” („MK Fintel Wind”) на ютре (штварток) на 11 годзин шветочно отвори свой витропарк коло Кули, перши у Сербиї.
На початку вибудови витропарку наявене же построєнє, хторе составене з трох витроґенераторох „Вестас”, високих 178 метери, будзе продуковац 27 милиони киловат-годзини желєней енерґиї, цо досц за потреби коло 8 000 ґаздовствох.
Тиж наявене и же з проєктом „Витропарк Кула”, до хторого „МК Финтел Винд” уложела коло 15 милиони еври, роботу достаню 50 роботнїки, та же пошвидко почнє вибудов и другого витропарку, коло Вершцу.
„МК Финтел Винд” заєднїцка компания италиянского „Финтел Енерґиа Спа” („Fintel Energia Spa”), явного подриємства присутного на италиянскей берзи, и „МК Ґруп д.о.о” („MK Group d.o.o”). Будованє витропарку, инсталованєй моци 9,9 меґавати, почало у фебруаре того року.