Ютре почина „Вельки панонски вашар”, участвую и нашо ансамбли

автор тах
963 Опатрене

ВЕРБАС – Союз уметнїцкей творчосци аматерох Войводини и Културни центер Вербас од 23. по 25. септембер у Спортским центре „Драґо Йовович” у Вербаше орґанзизую найвекшу фолклорну манифестацию у Войводини – „Вельки панонски вашар”, у чиїх рамикох будзе отримани 8. Фестивал дзецинских жридлових ансамблох, 38. Фестивал фолклорних традицийох Войводини и 8. Вистава старих ремеслох, домашнього виробнїцтва и старих єдлох.

На ютре, 23. септембра, на 18 г. почнє 8. Фестивал дзецинских жридлових ансамблох,  а потим, после шветочного отвераня цалого Фестивалу, на 20,30 г. будзе концерт Фолклорного ансамблу „Вила” з Нового Саду и ансамблу Дому култури Вербас.

11-Festival-02

На соботу, 24. септембра на 13 г. будзе отворена Вистава старих ремеслох, домашнього виробнїцтва и старих єдлох, хтора тирва и на нєдзелю, а на 17 годзин почнє перша часц Фестивалу фолклорних традицийох Войводини, на хторей ма наступиц и Женска шпивацка ґрупа КУД „Жатва” з Коцура.

Друга часц Фестивалу фолклорних традицийох Войводини будзе на нєдзелю (початок тиж на 17 г.), а на нєй участвую Дзивоцка шпивацка ґрупа, Хлопска шпивацка ґрупа, Женска шпивацка ґрупа и Тамбурови оркестер Дому култури Руски Керестур и Женска шпивацка ґрупа КУД „Петро Кузмяк” з Нового Орахова.

У рамикох Фестивалу на соботу и нєдзелю будзе и окремне представянє метериялней и духовней култури мадярскей националней заєднїци,

11-Festival-03

 

ПОВЯЗАНИ ТЕКСТИ