НОВИ САД – У ютрейшим ТВ Маґазинє будзе емитовани звит зоз схадзки Орґанизацийного одбору Фестивалу култури „Червена ружа”, прилоги о новей драги по котрей миґранти иду до жемох заходней Европи, та з Манифестациї „Домашнї шпайз” у Керестуре.
Теми Маґазину и оберачка грозна, комунални роботи и стари ремесла у Дюрдьове, як и участвованє новосадского РКЦ у „Вельким колє” за Ґинисову кнїжку рекордох.
Такой по Маґазину, на 21 г. будзе октоберски Фамелийни маґазин „Широки план”, хтори привита Марию Новак з Коцура, котра уж длугши час жиє у Канади.
Як кажду нєдзелю, ТВ Маґазин будзе емитовани на Другей програми РТВ на 20 годзин, а реприза на штварток на 16,10 и на пияток на 5,30 годзин.